Nokkrir af stjörnu­leik­mönnum enska úr­vals­deildar­fé­lagsins Totten­ham vilja að knatt­spyrnu­stjóri liðsins, Antonio Conte, verði rekin úr starfi.

Frá þessu greinir enska götu­blaðið The Sun og hefur eftir heimildar­mönnum sínum að leik­menn Totten­ham hafi verið í sjokki eftir reiði­lesturinn sem liðið fékk frá stjóra sínum eftir 3-3 jafn­tefli gegn Sout­hampton á dögunum.

Conte, sem hefur átt í vand­ræðum með heilsu sína á tíma­bilinu, sneri um helgina aftur til Ítalíu í smá frí nú þegar lands­leikir taka við.

,,Leik­menn vita að ó­mögu­legt er fyrir Conte, sem rennur út á samningi hjá Totten­ham í sumar, að stýra liðinu á næsta tíma­bili. Sú til­finning er ríkjandi meðal leik­manna að stjóri fé­lagsins, Daniel Levy, gæti jafn­vel rekið Conte fyrir næsta leik Totten­ham gegn E­ver­ton þann 3. apríl næst­komandi,“ segir í frétt The Sun um málið.

Conte hjólaði í leik­menn sem og eig­endur Totten­ham í reiði­lestri sem hann hélt eftir jafn­teflið gegn Sout­hampton á dögunum. Kallaði stöðuna ó­á­sættan­lega.