Fjöldi leikmanna Tottenham hafa sett sig í samband við Mauricio Pochettino og hvatt hann til að taka við liðinu á ný í sumar.

Sky Sports segir frá.

Samningur Antonio Conte, sem nú er stjóri Tottenham, rennur út í sumar og eru nær engar líkur á að hann verði framlengdur.

Liðið þykir spila neikvæðan fótbolta undir hans stjórn og þá hefur gengið ekki verið upp á marga fiska. Liðið er í fjórða sæti ensku úrvalsdeildarinnar og á ekki möguleika á að vinna bikar á þessari leiktíð, fimmtánda árið í röð.

Pochettino stýrði Tottenham frá 2014 til 2019 við góðan orðstýr. Hann kom liðinu til að mynda í úrslitaleik Meistaradeildar Evrópu 2019.

Argentínumaðurinn var síðast hjá Paris Saint-Germain en var rekinn þaðan árið 2022.