Liver­pool valtaði yfir erki­fjendur sína í Manchester United í stór­leik dagsins í ensku úr­vals­deildinni. Loka­tölur á Anfi­eld í Liver­pool, 7-0.

Roberto Firmino skoraði sjöunda og jafnframt lokamark leiksins og út brutust mikil fagnaðarlæti.

Einn stuðningsmaður Liverpool hugsaði sér gott til glóðarinnar og tók á rás inn á völlinn þegar að Firmino kom boltanum í netið en þegar að hann nálgaðist hóp leikmanna Liverpool sem var að fagna, féll hann við.

Enn fremur lenti hann harkalega á Andy Robertson, bakverði Liverpool, sem fékk högg á ökklann og lá óvígur eftir.

Öryggisverðir á Anfield og fjarlægðu umræddan stuðningsmann af svæðinu og fram hjá Jurgen Klopp, knattspyrnustjóra Liverpool, sem var allt annað en sáttur með athæfi stuðningsmannsins og lék nokkur vel valin orð falla í áttina að honum.

Atvikið má sjá með því að smella hér.