fbpx
Mánudagur 12.maí 2025
433Sport

Las leikmönnum Manchester United pistilinn: Ættu að skammast sín – ,,Myndi láta mig hverfa í nokkra mánuði“

Aron Guðmundsson
Sunnudaginn 5. mars 2023 18:40

Samsett mynd / GettyImages

Ekki missa af Helstu tíðindum dagsins í pósthólfið þitt

Lesa nánar

Roy Keane, fyrrum leikmaður Manchester United og núverandi sparkspekingur Sky Sports segir að leikmenn félagsins ættu að skammast sín og best væri ef þeir létu sig hverfa í nokkra mánuði eftir 7-0 tap liðsins gegn erkifjendunum í Liverpool.

Manchester United kom inn í leik dagsins á góðri siglingu í ensku úrvalsdeildinni, sömuleiðis varð liðið á dögunum enskur bikarmeistari.

Leikmenn Liverpool, sem hafa oft á tíðum á yfirstandandi tímabili lent í basli, léku á alls oddi í dag. Manchester United sá aldrei til sólar.

Liverpool niðurlægði Manchester United á Anfield – Sækja nú fast að Meistaradeildarsæti

,,Þetta er sjokkerandi dagur,“ sagði Roy Keane á Sky Sports eftir leik. ,,Markið sem kom strax eftir hálfleikinn sá til þess að þar var leik lokið.“

Reyndari leikmenn liðsins hafi verið niðurlægðir.

,,Þeir sýndu enga leiðtogahæfni. Mörkin sem liðið fékk á sig voru sjokkerandi. Þetta er erfiður dagur fyrir Manchester United.

Guði sé lof að ég hef aldrei verið hluti af liði Manchester United sem hefur tapað með svona miklum mun.

Leikmenn voru niðurlægðir, ættu að skammast sín fyrir þessa frammistöðu. Þegar að á harðbakkann sló, hurfu þeir.“

Keane segir vanann eftir svona tapleiki að leikmenn láti sig hverfa af almannasviðinu í nokkra daga.

,,Gleymið því að láta sig hverfa í nokkra daga, ég myndi láta mig hverfa í nokkra mánuði, svo niðurlægjandi eru þessi úrslit fyrir leikmennina.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Í gær

England: City missteig sig gegn versta liðinu – Flottur sigur Everton

England: City missteig sig gegn versta liðinu – Flottur sigur Everton
433Sport
Í gær

Besta deildin: Vestri aftur á toppinn eftir góðan sigur

Besta deildin: Vestri aftur á toppinn eftir góðan sigur