Nökkvi er annar stofnanda og eigandi Swipe Media. Hann er búsettur í Lundúnum en hann flutti þar fyrir tveimur árum til að opna skrifstofu þar í landi og stækka rekstur fyrirtækisins. Swipe Medie er lýst sem „Social Media Power House“ og er eins konar umboðsskrifstofa fyrir áhrifavalda. Nokkrar af stærstu samfélagsmiðlastjörnum Íslands eru á skrá hjá þeim ásamt erlendum áhrifavöldum.
Frumkvöðullinn leggur mikið upp úr andlegri og líkamlegri heilsu. Hann birtir reglulega færslur á Instagram þar sem hann deilir þeim hluta af lífi sínu, eins og hvernig hann endar daginn á hugleiðslu og dagbókarskrifum, eða hvaða bækur breyttu sýn hans á lífið.
Í gær deildi hann þeim fjórum bókum sem hann segir að hafi hjálpað honum að verða mjög auðugur. Hann sagði að það að „vera mjög auðugr er hugarfar.“
Bækurnar eru Alkemistinn eftir Paulo Coelho, Limitless eftir Jim Kwik, The 7 Habits of Highly Effective People eftir Stephen Covey og Think and Grow Rich eftir Napoleon Hill og Rosu Lee Beeland.
View this post on Instagram
