West Ham 1 – 1 Chelsea
0-1 Joao Felix(’16)
1-1 Emerson(’28)
Fyrsta leik dagsins í ensku úrvalsdeildinni er nú lokið en Chelsea heimsótti þá West Ham.
Leikurinn var engin frábær skemmtun en það voru gestirnir í bláu sem tóku forystuna í fyrri hálfleik.
Joao Felix skoraði fyrsta mark leiksins fyrir Chelsea en hann kom boltanum í netið eftir 16 mínútur.
Sú forysta entist þó ekki lengi en stuttu seinna var bakvörðurinn Emerson búinn að jafna metin fyrir heimamenn.
Emerson er fyrrum leikmaður Chelsea og neitaði að fagna marki sínu sem dugði til að tryggja jafntefli.
Stigið gerir mjög lítið fyrir Chelsea í Evrópubaráttu en liðið er með 31 stig úr 22 leikjum á meðan West Ham er með 20.
