Það var líf og fjör í Íþróttavikunni með Benna Bó í þetta skiptið. Þorgerður Katrín Gunnarsdóttir, formaður Viðreisnar, mætti þá í settið. Með henni þar sat Hörður Snævar Jónsson, fréttastjóri íþróttafrétta á Torgi.
Enska úrvalsdeildin ákærði Manchester City í yfir hundrað liðum á dögunum fyrir meint fjárhagsbrot og var það að sjálfsögðu tekið fyrir.
„City er núna að safna í her lögmanna til að verja sig. Þeir eru nýbúnir að fara í gegnum það sama hjá UEFA. UEFA dæmdi þá seka og þeir misstu sæti sitt í Meistaradeildinni en það fór fyrir íþróttadómstólinn og þeir unnu það til baka. Þeir fengu að vísu 10 milljóna punda sekt sem segir manni að það er einhver maðkur í mysunni. Nú er enska úrvalsdeildin búin að rannsaka þetta í fjögur ár og ljóst að eitthvað hefur verið farið á svig við reglur,“ segir Hörður.
„Ætli líklegasta niðurstaðan verði ekki að það verði tekin einhver örfá stig af þeim?“
Þorgerður var sammála Herði.
„Ég tek undir með Herði að það virðist vera maðkur í mysunni. Það hringdi auðvitað einhverjum bjöllum þegar fyrir einhverjum árum síðan voru settar svakalegar fjárhæðir í varnarmenn til viðbótar við það sem var fyrir. Það kæmi mér ekki á óvart ef það yrðu tekin einhver stig af þeim.“
Benedikt tók til máls.
„Ein ákæra er nógu mikið en hundrað plús, úff.“
