Framtíð Jordan Pickford hjá Everton er skyndilega í nokkurri óvissu. Hefur það vakið áhuga stórliða á Englandi. Daily Mail segir frá.
Fyrir Heimsmeistaramótið í Katar samþykkti þessi landsliðsmarkvörður Englands nýjan fimm ára samning. Félagið á hins vegar enn eftir að ganga frá þeim samningi.
Þetta hangs gæti reynst Everton dýrkeypt, en Pickford á 18 mánuði eftir af samningi sínum við félagið.
Stórliðin Chelsea, Manchester United og Tottenham eru öll sögð hafa áhuga á Pickford og fylgjast með stöðunni.
Chelsea hefur verið í vandræðum með markvarðastöðu sína undanfarin ár. Þá er framtíð David De Gea hjá United í óvissu, en samningur hans rennur út í sumar.
Loks leitar Tottenham að arftaka hins 36 ára gamla Hugo Lloris í markinu.
Pickford hefur verið á mála hjá Everton síðan 2017. Hann kom frá Sunderland á 30 milljónir punda.
