The Athletic skrifar langa grein um stöðu David De Gea hjá Manchester United og mögulega framlengingu á samningi hans.
De Gea vill ólmur framlengja dvöl sína hjá United en samningur hans við félagið rennur út næsta sumar.
United hefur nýtt ákvæði í samningum við flesta til að framlengja út tímabilið 2024 en ekki hjá De Gea.
Til umræðu er að Dea Gea geri nýjan samning en á miklu lægri launum en hann er núna. De Gea er launahæsti markvörður í heimi með 375 þúsund pund á viku þegar United er í Meistaradeildinni.
The Athletic segir að helmingi lægri laun eða í kringum 200 þúsund pundin komi til greina hjá báðum aðilum.
De Gea hefur hins vegar ekki alla þá kosti sem Erik ten Hag vill og því er verið að skoða aðra markverði. Þannig er Diogo Costa markvörður Porto og Unai Simon markvörður Athletic Bilabao til skoðunar.
Tony Coton sem sér um að skoða markverði fyrir félagið er á fullu að skoða markaðinn. Ódýrasta lausnin væri hins vegar að halda í De Gea þar sem ekkert kaupverð yrði í spilinu.
