Kristján Óli Sigurðsson var gestur í Íþróttavikunni með Benna Bó í kvöld. Í settið var einnig mættur Hörður Snævar Jónsson, íþróttastjóri Torgs.

Úrslitaleikur Heimsmeistaramótsins í Katar er um helgina. Þar mætast Argentína og Frakkland.

Upp kom sú umræða um hvort Lionel Messi yrði sá besti í sögunni ef Argentína vinnur þar.

„Maradona er enn sá besti allra tíma,“ sagði Hörður Snævar.

Kristján var steinhissa á þessum ummælum.

„Það er gott að það séu einhverjir veikari en maður sjálfur í settinu,“ sagði hann léttur.

Kristján minntist einnig á stjörnu Frakka.

„Ef við ætlum að fara að tala um besta leikmann sögunnar hvað ætlum við þá að segja um Kylian Mbappe ef hann skorar tvö á sunnudag og vinnur sinn annan heimsmeistaratitil 23 ára?“

Umræðan í heild er hér að neðan.