
Lionel Messi var í hjartnæmu viðtali við argentíska fréttakonu eftir sigur Argentínu á Króatíu í undanúrslitum Heimsmeistaramótsins í Katar í gær.
Hinn 35 ára gamli Messi átti frábæran leik í gær en Argentínumenn unnu leikinn 3-0. Messi skoraði fyrsta mark Argentínu af vítapunktinum og lagði svo upp þriðja mark liðsins eftir stórkostleg tilþrif.
Argentínumenn mæta annað hvort Frakklandi eða Marokkó í úrslitaleiknum á sunnudag. Þau mætast einmitt í kvöld í hinum undanúrslitaleiknum.
Í viðtalinu tjáði fréttakonan Messi að sama hvernig úrslitaleikurinn færi ætti hann að vita hversu mikið hann hefur gert fyrir alla argentísku þjóðina. Hún sagði kappann hafa haft áhirf á líf allra í landinu.
Messi brosti hringinn eftir ummælin, en myndbrot af viðtalinu er hér að neðan.
This interview with Messi is beautiful.. pic.twitter.com/eVxJXuqJwc
— J. (@Messilizer) December 14, 2022