Brasilía og Króatía mættust í fyrsta leik 8-liða úrslita Heimsmeistaramótsins í Katar í dag.
Markalaust var eftir fyrri hálfleik, sem spilaðist eftir höfði Króata. Brasilía ógnaði afar lítið.
Brassar voru mun hættulegra liðið í seinni hálfleik og þurfti Dominik Livakovic að verja þó nokkuð í marki Króata.
Boltanum var hins vegar ekki komið yfir marklínuna og því þurfti að grípa til framlengingar.
Þar dró til tíðinda í uppbótartíma fyrri hálfleiks þegar Neymar skoraði fyrir Brasilíumenn. Hann var þarna að skora sitt 77. mark og jafnframt jafna met Pele.
Það leit út fyrir að mark Neymar myndi duga fyrir Brasilíu en allt kom fyrir ekki. Bruno Petkovic skoraði fyrir Króatíu úr þeirra fyrsta skot á markið.
Staðan eftir venjulegan leiktíma 1-1 og því var farið í vítaspyrnukeppni.
Þar skoraði Króatía úr fleiri spyrnum og fer áfram í undanúrslit. Þar mætir liðið Argentínu eða Hollandi.
