Það er útlit fyrir það að Marcos Llorente, leikmaður Atletico Madrid, fái ekkert að spila á HM í Katar.

Frá þessu greinir Mundo Deportivo á Spáni en Llorente er hluti af spænska landsliðshópnum á HM.

Hingað til hefur Llorente ekkert fengið að spila og er það ákvörðun Luis Enrique, landsliðsþjálfara Spánar.

Enrique hefur alls ekki verið hrifinn af standi Llorente og telur hann ekki reiðubúinn í að spila leik í útsláttarkeppninni.

Llorente er mikilvægur leikmaður Atletico en samkvæmt þessum fregnum mætti hann í slöku standi til æfinga í Katar.

Næsti leikur Spánverja er á morgun í 16-liða úrslitum er liðið spilar við Marokkó.