Elfar Freyr Helgason varnarmaður Breiðabliks virðist vera að ganga í raðir Vals. Frá þessu segir sparkspekingurinn, Kristján Óli Sigurðsson.
Elfar Freyr og Arnar Grétarsson þjálfari Vals þekkjast vel. Léku þeir saman í Breiðablik á árum áður.
Arnar var svo yfirmaður knattspyrnumála hjá AEK Aþenu í Grikklandi þegar Elfar var keyptur til félagsins. Elfar lék svo undir stjórn Arnars í Kópavogi.
Elfar lék sjö leiki með Blikum í deild og bikar í sumar en sumarið 2021 kom hann ekkert við sögu vegna meiðsla.
Verður Elfar fyrsti leikmaðurinn sem Arnar Grétarsson fær til Vals eftir að hafa tekið við liðinu. Elfar er 33 ára gamall.
Elfar Freyr Helgason fer í læknisskoðun á Hlíðarenda í dag. Spurning hvort Grímur Sæm framkvæmi hana.#HeimavinnaHöfðingjans pic.twitter.com/1r3RXguLGM
— Kristján Óli Sigurðsson (@kristjanoli) November 25, 2022
