Eiginkonur og kærustur enskra landsliðsmanna munu fylgja þeim á Heimsmeistaramótið í Katar, sem hefst eftir tæpa viku.
Þær megja þó ekki hitta mennina sína. Þess í stað verða þær saman á rándýrri snekkju í höfninni. Snekkjan er metin á milljarð punda og þar er allt til alls.
Enska götublaðið The Sun tók saman lista yfir nokkrar af eiginkonum og kærustum ensku leikmannanna og rakti söguna um leið.
Anna Modler (Eric Dier)
Modler og Dier hafa aðeins verið saman frá því snemma í haust. Hin 24 ára gamla Modler var áður með knattspyrnumanninum Alexis Sanchez.
Anouska Santos (Luke Shaw)
Santos og Shaw kynntust árið 2017. Í sumar eignuðust þau sitt fyrsta barn saman.
Georgina Irwin (Aaron Ramsdale)
Irwin ferðast mikið í starfi sínu sem flugfreyja. Hún og Ramsdale hafa verið saman í þrjú ár.
Sasha Attwood (Jack Grealish)
Fyrirsætan Attwood og Grealish hafa lengi verið saman. Samband þeirra hefur á köflum verið stormasamt og hann sakaður um framhjáhald. Þau haldast þó saman.
Fern Hawkins (Harry Maguire)
Tveggja barna móðirinn Hawkins hefur staðið með eiginmanni sínum í gegnum súrt og sætt. Hún er á leið með Maguire á sitt þriðja stórmót.
Megan Pickford (Jordan Pickford)
Parið gifti sig í sumar og skellti sér til Maldíveyja. Þau lifa sannkölluðu glamúr-lífi.
Paige Milian (Raheem Sterling)
Sterling og Milian hafa verið saman allt frá því þau voru unglingar. Hún fylgdi honum til Liverpool, Manchester City og nú síðast Chelsea.
Annie Kilner (Kyle Walker)
Þau hafa verið saman í meira en áratug. Kilner hefur þurft að fyrirgefa Walker hin ýmsu hneyksli, þar á meðal framhjáhöld.
