FH gekk í kvöld frá ráðningu á Heimi Guðjónssyni sem aðalþjálfara karlaliðs félagsins í Bestu deildinni. Heimir er mætur á heimaslóðir en honum var vikið úr starfi haustið 2017. Heimir hefur þjálfað HB í Færeyjum og Val frá því að FH rak hann.

Hann varð meistari í Færeyjum og Íslandsmeistari með Val en var rekinn úr starfi á Hlíðarenda í sumar.

Sigurvin Ólafsson sem tók við FH undir lok móts þegar Eiður Smári Guðjohnsen steig til hliðar verður þjálfari liðsins með Heimi, þeir hafa áður unnið saman í Kaplakrika þegar Heimir var aðstoðarþjálfari Ólafs Jóhannessonar og Sigurvin var leikmaður.

Heimir var formlega kynntur til leiks sem þjálfari liðsins á stuðningsmannakvöldi en viðtal við hann birtist hér á vefnum innan tíðar.