Sóknarmaðurinn Pétur Bjarnason hefur óskað eftir því að yfirgefa Vestra í vetur. Hann hyggst búa á höfuðborgarsvæðinu næsta sumar. Þetta herma heimildir 433.is.
Hinn 25 ára gamli Pétur er uppalinn hjá félaginu. Hann hefur verið lykilmaður undanfarin ár.
Pétur skoraði fjögur mörk í Lengjudeildinni í sumar. Tímabilið þar áður skoraði hann ellefu mörk.
Sem fyrr segir stefnir Pétur á að flytja á höfuðborgarsvæðið næsta sumar. Vestri mun ekki standa í vegi fyrir því að hann fari í félag þar, svo lengi sem samkomulag næst á milli félaga. Pétur er samningsbundinn Vestra.
Vestri hafnaði í tíunda sæti Lengjudeildarinnar í sumar, tíu stigum fyrir ofan fallsæti.
Davíð Smári Lamude, sem hefur verið þjálfari Kórdrengja undanfarin ár, er tekinn við sem þjálfari Vestra. Ljóst er að félagið ætlar sér að gera mun betur á komandi sumri.
