Það er hugsanlega óhjákvæmilegt að Arsenal missi Kieran Tierney frá sér fyrr eða síðar
Telegraph segir frá því að önnur félög séu að fylgjast með Skotanum og gera þau sér grein fyrir því að hann er ósáttur með hlutverk sitt á Emirates-vellinum.
Tierney kom til Arsenal frá Celtic árið 2019. Hann hefur verið töluvert meiddur en þess á milli lykilmaður fyrir enska liðið.
Það hefur þó ekki verið svo á þessu tímabili. Vinstri bakvörðurinn er í algjöru aukahlutverki eins og er.
Tierney þykir afar öflugur vinstri bakvörður og ljóst er að hann mun ekki sætta sig við slíkt hlutverk til lengdar.
Takehiro Tomiyasu hefur leikið í stöðu vinstri bakvarðar hjá Arsenal í síðustu leikjum, þrátt fyrir að vera réttfættur.
Þá er Oleksandr Zinchenko að stíga upp úr meiðslum. Það er talið að Úkraínumaðurinn sé einnig á undan Tierney í goggunarröðinni hjá Arsenal.
