Ásgerður Stefanía Baldursdóttir fyrrum leikmaður Vals og nú þjálfari hjá félaginu var gestur í Íþróttavikunni með Benna Bó á föstudagskvöld en með henni í setti var Hörður Snævar Jónsson, fréttastjóri íþrótta á Torgi.
Benedikt Bóas fór að ræða um slúður í íslenskum bolta og ein sagan þessa dagana er að Brynjar Ingi Bjarnason gæti verið á heimleið.
Eftir að hafa skotist upp á stjörnuhimininn hefur Brynjar átt í vandræðum bæði á Ítalíu og nú í Noregi hjá Vålerenga
„Slúðrið er út um allt,“ sagði Benedikt Bóas.
Hörður Snævar tók þá til máls og sagði að KA hefði einnig áhuga á honum. „Ég held að það sé líklegt að hann komi heim, en þegar þið Valsmenn mætið með öll ykkar seðlabúnt að þá sogast leikmennirnir þangað.“
„Það er umræða um að hann komi á láni, hann hefur átt mjög erfiða tíma í atvinnumennsku. Hann fór hratt upp og jafn hratt niður í raun. Hann hefur lítið spilað í Noregi.“
„Blaðamennirnir í Noregi eru á eftir honum, þeir hamast á honum þar.“
Brynjar Ingi lék áður með Lecce á Ítalíu en þangað fór hann frá KA sumarið 2020. „Ég heyrði þá sögu frá Ítalíu að hann þyrfti að huga betur að því hvernig hann hugsar um sig og undirbýr sig fyrir æfingar. Þar var talað um að hann hefði mætt of seint á æfingar seinni partinn, sofið yfir sig þar. Þarf eflaust að rífa sig í gang og skoða sína hluti. Hann er samt sem áður frábær leikmaður.“
Umræðan er hér að neðan.