Cristiano Ronaldo, leikmaður Manchester United, hefur tjáð sig eftir eigin hegðun á Old Trafford í gær.
Ronaldo var ónotaður varamaður er Man Utd vann Tottenham 2-0 og yfirgaf völlinn áður en lokaflautið heyrðist.
Í dag var svo greint frá því að Ronaldo hafi neitað að spila en hann ku vera mjög ósáttur með stöðu sína hjá félaginu.
Portúgalinn reyndi ítrekað að komast burt frá félaginu í sumar en án árangurs og gæti farið annað í janúar.
Ronaldo hefur nú tjáð sig vegna hitamálsins og gaf frá sér Instagram færslu.
,,Ég byrjaði mjög ungur og eldri og reynslumeiri leikmennirnir voru alltaf mjög mikilvægir fyrir mig,“ skrifar hann á meðal annars.
,,Seinna meir hef ég þess vegna alltaf reynt að vera fyrirmynd fyrir ungu leikmennina í þeim liðum sem ég spila. Því miður er það ekki alltaf hægt og maður missir sig í hita leiksins.“
,,Að gefa sig undir pressu er aldrei möguleiki. Þetta er Manchester United og við þurfum að standa saman. Við verðum saman á ný bráðlega.“
View this post on Instagram
