Þetta er mat Kyrylo Budanov, yfirmanns leyniþjónustu úkraínska hersins (GUR).
CNN segir að hann spái því að Úkraínumenn standi uppi sem sigurvegarar í stríðinu næsta sumar. „Ósigur Rússlands er óhjákvæmilegur. Það er ekki hægt að koma í veg fyrir hann og hann mun leiða til eyðileggingar Rússlands,“ sagði hann.
Hann sagði jafnframt að hann telji ekki að Rússar muni beita kjarnorkuvopnum í Úkraínu: „Fræðilega séð geta þeir það. En það mun aðeins hraða hruni Rússlands og það vita þeir vel. Þeir eru ekki eins heimskir og við viljum gjarnan að þeir séu.“
