Höskuldur Gunnlaugsson, fyrirliði nýkrýndu Íslandsmeistaranna í Breiðablik var gestur í Íþróttavikunnni með Benna Bó þessa vikuna ásamt Herði Snævari Jónssyni, íþróttastjóra Torgs.
„Ég fagna þessu fyrirkomulagi, að það séu komnir fleiri leikir,“ sagði Höskuldur. „Það var kannski aðallega það sem vantaði. Ég veit ekki hvort það sé hægt að byrja fyrr á tímabilinu en ég sem leikmaður væri alveg til í það.
Þá gætum við hins vegar lent í veseni með grasvellina. Ég er ekki einn af þeim sem gagnrýni þessa breytingu. Ef það átti ekki að breyta neinu eða þó þessi breyting, þá klárlega tek ég henni.“
Hörður Snævar segir nýja fyrirkomulagið vera frábært. „En á næsta ársþingi þarf að setja félögunum frest, 12-18 mánuði til að koma upp flóðljósum svo við getum spilað þessar síðustu fimm umferðir í úrslitakeppninni á þremur vikum.
Það kemur enginn skriðþungi með þessu þegar að það er vika á milli leikja. Í þessari úrslitakeppni á fótboltinn bara að vera í andlitinu á fólki.“
Nánari umræðu um nýtt fyrirkomulag í Bestu deildinni má sjá í spilaranum hér fyrir neðan:
