Íslenska kvennalandsliðið fer ekki á HM eftir 4-1 tap gegn í framlengdum umspilsleik Portúgal ytra í kvöld.

Lestu nánar um leikinn hér.

Íslenska liðið lenti manni undir snemma í seinni hálfeik þegar Áslaug Munda Gunnlaugsdóttir var rekin af velli. Þó gaf liðið  Portúgal góðan leik fram að framlengingu, þar sem þreytan var orðin of mikil.

„Við skorum og markið er tekið af okkur, svo kemur rauða spjaldið og þær fá víti. Við stigum upp eftir markið á okkur og rauða spjaldið,“ segir Sara Björk Gunnarsdóttir landsliðsfyrirliði.

„Mér fannst á tímapunkti eins og við værum ekki færri. Við fáum færi á köflum. opinn leikur fram að framlengingu. Síðan fáum við tvö mörk á okkur í framlengingu og það var of mikið.

Okkur leið ágætlega fyrir framlengingu, við vorum með ferskar lappir. Við vorum að ná að spila boltanum og koma með fyrirgjafir, Sveindís fór utan á þær. Amanda og Svava komu inn með ferskar lappir. Hvað á maður að segja?“

Sara var bersýnilega afar svekkt. „Það má segja að þetta sé mesta svekkelsið á mínum ferli.“