Lionel Messi hefur tjáð sig um framtíð sína eftir knattspyrnuferilinn.
Argentíski snillingurinn er orðinn 35 ára gamall. Það er því farið að styttast í annan endann á glæstum knattspyrnuferli hans.
Messi hefur staðfest að Heimsmeistaramótið í Katar síðar á þessu ári verði það síðasta.
„Ég stefni ekki á það að verða þjálfari. Zinedine Zidane sagði samt akkúrat það. Hann varð þjálfari og vann Meistaradeildina þrisvar,“ segir Messi.
Þessi leikmaður Paris Saint-Germain útilokar þó alls ekki að starfa áfram í heimi knattspyrnunnar. Hann vill hins vear frekar starfa á bavið tjöldin.
„Mér finnst áhugavert að verða yfirmaður íþróttamála, að byggja upp lið og ráða þjálfara. Ég er hins vegar ekki viss,“ segir Lionel Messi.
Samningur Messi við PSG rennur út næsta sumar. Hann hefur verið orðaður við endurkomu til Barcelona, þaðan sem hann fór í fyrra.
