Samkvæmt heimildum 433.is eru FH-ingar að funda þessa stundina vegna gruns um ölvunarakstur Eiðs Smára Guðjohnsen þjálfara liðsins.

Mannlíf.is sagði fyrst frá.

Samkvæmt heimildum er til skoðunar að reka Eið úr starfi en hann er grunaður um ölvunarakstur fyrr í vikunni. FH tapaði gegn ÍBV í Bestu deildinni í gær.

Eiður Smári tók við FH í sumar ásamt Sigurvini Ólafssyni en liðið er í fallsæti í Bestu deild karla þegar fjórir leikir eru eftir.

Eiður Smári er líklega besti knattspyrnumaður í sögu Íslands en hann er að stýra FH í annað sinn á ferlinum. Hann var einnig þjálfari liðsins árið 2020.

Eiður hætti með FH eftir það tímabil og gerðist aðstoðarþjálfari íslenska landsliðsins. Samningi Eiðs við landsliðið var svo sagt upp seint á síðasta ári.

Samkvæmt heimildum hefur verið fundað um málið í allan morgun og verður Eiður Smári kallaður til fundar innan tíðar til að ræða stöðu mála.