Xavi, stjóri Barcelona, var bálreiður í gær eftir að hans menn töpuðu 1-0 gegn Inter Milan í Meistaradeildinni.
Barcelona er í þriðja sæti í sínum riðli í Meistaradeildinni, sex stigum á eftir toppliði Bayern Munchen.
Dómaratríóið fékk ekki mikið hrós fyrir frammistöðu sína í gær en Barcelona vildi fá vítaspyrnu í uppbótartíma sem VAR ákvað að dæma ekki.
Denzel Dumfries virtist hafa gerst brotlegur innan teigs en ekkert var dæmt og unnu þeir ítölsku sigur að lokum.
Einnig í síðari hálfleik var mark tekið af Barcelona en dómarinn Slavko Vincic dæmdi hendi á sóknarmanninn Ansu Fati sem var nokkuð umdeild ákvörðun.
,,Ef þú spyrð mig þá er ég öskuillur. Rétta orðið er illur því þetta stemmir ekki, þetta er ósanngjarnt,“ sagði Xavi.
,,Ég tel að þetta hafi verið ósanngjarnt út í gegn og ég get ekki falið tilfinningarnar.“
