Ísak Snær Þorvaldsson hefur skrifað undir hjá Rosenborg í Noregi. Gerði hann samning sem gildir út tímabilið 2027.
Norska félagið kaupir Ísak frá Breiðabliki þar sem hann hefur slegið í gegn í Bestu deildinni.
Ísak fór ungur að árum til Norwich en gekk í raðir ÍA áður en hann hélt til Breiðabliks fyrir þessa leiktíð.
„Ég er mjög spenntur og hlakka til þess að byrja. Ég valdi Rosenborg vegna þess að þeir hafa sýnt mér áhuga í langan tíma og það er stórt félag með stóra sögu,“ segir Ísak efitr undirskrift.
Hann klárar fjóra leiki með Breiðablik í Bestu deildinni og mun svo formlega ganga í raðir Rosenborg í byrjun janúar.
„Mér líkar það sem félagið er að gera núna og þetta er klúbbur á uppleið. Ég get ekki beðið eftir að byrja.“
Rosenborg keypti Kristal Mána Ingason frá Víkingi í sumar og því ljóst að félagið horfir mikið til Íslands þessa stundina.
