Ótrúleg björgun á elleftu stundu
Mikil dramatík átti sér stað í Amsterdam þegar móður og ungabarni var bjargað úr bíl andartökum áður en bíllinn sökk til botns í síki.
Fréttastofa Sky greinir frá þessu. Þrennt stukku út í ískalt vatnið og syntu að bílnum sem sökk hratt. Meðfylgjandi myndband sýnir einn bjargvættinn reyna að brjóta bílrúðu með steini. Fjórði bjargvætturinn stökk svo út í síkið með hamar og tókst þá að brjóta afturrúðuna og bjarga mæðginunum áður en bílinn hvarf.
Samkvæmt hollenskum fjölmiðlum lagði konan bílnum við hlið Schinkel-ánni þegar bíllinn rann út í ánna. Sjúkrabílar voru fljótir á vettvang og fluttu þau á sjúkrahús, líðan þeirra er sögð góð. Slökkviliðið náði bílnum síðar upp úr ánni og eiga fjórmenningarnar sem komu mæðginunum til aðstoðar inni miklar þakkir fyrir hetjudáðina.
[youtube https://www.youtube.com/watch?v=RlF4nb45yug&w=560&h=315]