Katia Aveiro kemur bróður sínum, portúgölsku knattspyrnustjörnunni Cristiano Ronaldo til varnar eftir að hann þurfti að þola mikla gagnrýni frá stuðningsmönnum portúgalska landsliðsins eftir 1-0 tap gegn Spánverjum á dögunum.

Tapið þýddi að Portúgal náði ekki toppsætinu í sínum riðli í Þjóðadeild UEFA og brugðu margir á það ráð að kenna Ronaldo um hvernig fór og efuðust meðal annars um hvort leikmaðurinn væri nægilega góður til að eiga sæti í byrjunarliði Portúgal.

Katia, systir Ronaldo kom honum til varna á samfélagsmiðlum þar sem hún sagði gagnrýni stuðningsmanna vonda og að þeir væru óþakklátir.

Ronaldo ætti skilið virðingu þeirra, hann væri enn einn af bestu leikmönnum heims.

Katia skrifaði einnig að fjölskylda Ronaldo stæði alltaf þétt við bakið á honum.

Ronaldo hefði ávalt gefið allt fyrir Portúgal en það kæmi henni ekki á óvart að landar hans hafi gagnrýnt hann.

„Portúgalir eru sjúkir, aumkunarverðir, sálarlausir, heimskir og ávallt óþakklátir,” skrifaði Katia á samfélagsmiðlum.