Scott Parker er þessa stundina orðaður við stjórastöðuna hjá franska úrvalsdeildarfélaginu Nice.
Enski stjórinn var látinn fara frá Bournemouth fyrr á þessu tímabili í kjölfar 9-0 taps gegn Liverpool. Hann gagnrýndi stjórn félagsins eftir leik.
Parker kom Bournemouth upp í efstu deild í vor.
Staða Lucien Favre, sem nú er stjóri Nice, er sögð í óvissu og sæti hans heitt. Nice, sem er með menn á borð við Aaron Ramsey, Ross Barkley, Nicolas Pepe og Kasper Schmeichel innaborðs, hefur valdið vonbriðgum það sem af er leiktíð í Frakklandi.
Mauricio Pochettino var orðaður við stöðuna hjá félaginu á dögunum en hann er sagður hafa hafnað henni. Hann yfirgaf Paris Saint-Germain eftir síðustu leiktíð.
Nú beinast augu margra að fyrrum miðjumanninum Scott Parker, sem er í leit að starfi.
