Mathias Laursen framherji Fylkis er með slitið krossband en frá þessu var greint í hlaðvarpsþættinum Dr. Football í gær.

Framherjinn skoraði 15 mörk í 20 leikjum fyrir Fylki sem vann Lengjudeild karla í sumar.

Samningur hans við Fylki er á enda og verður að teljast ólíklegt að félagið framlengi við hann vegna meiðsla. Laursen sleit krossbandið í síðasta leik tímabilsins gegn Þór.

Ásgeir Börkur Ásgeirsson er svo hættur í Fylki en hann snéri aftur heim fyrir tímabilið en ætlar að róa á önnur mið.

Fram kom í Dr. Football að Börkur hefði augastað á Lengjudeildini og voru Kórdrengir og Selfoss nefnt sem mögulegir áfangastaðir.