Shakira og Pique greindu frá því fyrr í sumar að ástarsamband þeirra væri á enda. Höfðu þau verið saman síðan 2010.
Orðrómar voru uppi um það í sumar að Pique hafi haldið framhjá söngkonunni.
„Stundum líður mér eins og þetta sé allt slæmur draumur og að ég muni vakna einn daginn. Svo er hins vegar ekki,“ segir Shakira í nýju viðtali.
„Það eru líka svo mikil vonbrigði að sjá eitthvað eins heilagt og ég taldi samband mitt við faðir barna minna svert í fjölmiðlum.“
Shakira er ekki til í að opna sig um allt tengt skilnaðinum í fjölmiðlum.
„Ég tel að sumt sé of mikið einkamál til að deila, allavega á þessum tímapunkti. Það er allt svo hrátt og nýtt. Ég get aðeins sagt að ég lagði mig alla fram fyrir samband mitt og fjölskylduna.“
