Geoff Shreeves á Sky Sports hefur lengi verið einn sá fremsti er kemur að því að taka viðtöl við leikmenn og knattspyrnustjóra í kringum leiki enskra liða. Hann hefur nú gefið út bókina Cheers, Geoff! Tales from the Touchline, þar sem hann segir meðal annars góðar bransasögur.

Í bókinni segir Shreeves meðal annars frá samskiptum sínum við Arsene Wenger, sem var knattspyrnustjóri Arsenal á 1996 til 2018 og er í guðatölu hjá félaginu.

„Ég tók fyrst viðtal við Arsene Wenger þegar hann kom til Arsenal 1996. Ég talaði við hann oftar en þrjátíu sinnum á leiktíð á tíma hans við stjórnvölinn.“

Shreeves segist hafa þekkt Wenger vel og vitað hvað virkaði er kom að Frakkanum. Það kom þó fyrir að honum tókst að pirra hann all verulega.

Eftir 8-2 tap Arsenal gegn Manchester United árið 2011 tók Shreeves viðtal við Wenger. Þar spurði hann stjórann erfiðra spurninga, eins og hvort hann ætlaði að segja af sér og hvort stjórnin myndi styðja við bakið á honum eftir þessa útreið.

„Ég sá reiðina byggjast upp í augum hans. Eftir á kom fjölmiðlafulltrúi Arsenal til mín og sagði að Wenger hafi viljað lemja mig í viðtalinu, hann var svo reiður,“ skrifar Shreeves í bók sína.

„Mörgum árum seinna sagði Arsene við mig: „Geoff, mig langaði að lemja þig þennan dag, það er rétt. Þú varst samt ekki sá eini.“

Þrátt fyrir þessa uppákomu er Shreeves mikill aðdáandi Wenger. „Hann var alltaf heillandi. Hann kom sér aldrei undan viðtali eða var með afsakanir.“