Arsenal vann afar sannfærandi sigur í ensku úrvalsdeildinni í dag er liðið spilaði við Brentford í fyrri leik dagsins.

Aðeins tveir leikir eru spilaðir í dag en sá síðari hefst klukkan 13:15 er Everton tekur á móti West Ham.

Lundúnarslagur Brentford og Arsenal var þó fyrstur á dagskrá þar sem það síðarnefnda vann mjög góðan útisigur.

Arsenal hafði betur 3-0 í þessum leik þar sem Gabriel Jesus var á meðal markaskorara.

Jesus gerði annað mark Arsenal í leiknum en þeir William Saliba og Fabio Vieira komust einnig á blað.

Arsenal er komið aftur á toppinn með þessum sigri og er einu stigi á undan bæði Manchester City og Tottenham.

Leikmaður að nafni Ethan Nwaneri skráði sig í sögubækurnar í dag og varð yngsti leikmaðurinn í sögu úrvalsdeildarinnar.

Þessi ungi maður er fæddur árið 2007 og er aðeins 15 ára og 181 daga gamall sem er magnað afrek.

Nwaneri fékk ekki margar mínútur en hann kom við sögu þegar 92 mínútur voru komnar á klukkuna.

Historical in Premier League today. Arsenal young talent Ethan Nwaneri becomes the youngest ever Premier League player. ⚪️🔴 #AFC

Nwaneri’s 15 years, 181 days old. Born in 2007. 💫 pic.twitter.com/VJ4ht06dHY

— Fabrizio Romano (@FabrizioRomano) September 18, 2022