Wolves staðfesti í gær komu framherjans Diego Costa á eins árs samningi. Hann var kynntur til leiks með áhugaverðu myndbandi sem kappinn hefur nú tjáð sig um.
Hinn 33 ára gamli Costa gerir eins árs samning, eftir að koma á frjálsri sölu frá Atletico Mineiro í heimalandi sínu, Brasilíu.
Sasa Kalajdzic sleit krossband í sínum fyrsta leik með Wolves á dögunum og kemur Costa því inn í fremstu víglínu í hans stað.
It's official. ✍️ pic.twitter.com/FXcgReSlsr
— Wolves (@Wolves) September 12, 2022
Costa var kynntur til leiks með myndbandi þar sem hann hélt í þrjá úlfa.
„Þetta voru úlfar, ekki hundar. Þetta var mjög töff en ekki mjög þægilegt. Ég á fimm hunda en það eru ekki úlfar,“ sagði Costa um upptökur á kynningarmyndbandinu.
