Selfoss tefldi fram ólöglegum leikmanni í 5-3 sigri gegn Grindavík í Lengjudeild karla fyrir helgi.
Reynir Freyr Sveinsson heitir leikmaðurinn. Sá átti að vera í banni gegn Grindavík vegna vegna uppsafnaðra spjalda í sumar. Hann spilaði hins vegar leikinn.
Það var vakin athygli á þessu í hlaðvarpsþættinum Dr. Football í gærkvöldi.
Reynir var á láni hjá Árborg fyrr í sumar, þar sem hann fékk hluta spjaldanna. Því var velt upp í þættinum hvort Selfoss hafi ekki vitað af því að leikmaðurinn tæki spjöldin með sér á milli liða.
Samkvæmt reglunum gæti það vel farið svo að Grindvíkingum verði dæmdur 3-0 sigur vegna málsins.
Arnar Sveinn Geirsson vakti athygli á því í þættinum félög séu látin vita ef leikmaður er í banni. „Það er einhver sem las þennan póst og skilaði ekki upplýsingunum.“
