Ross Barkley gæti verið að semja við nýtt lið sem spilar í ensku úrvalsdeildinni ef marka má frétt the Daily Mail.

Barkley er án félags þessa stundina en hann hefur yfirgefið Chelsea eftir ansi misheppnaða dvöl í London.

Barkley var á sínum tíma talinn gríðarlega efnilegur leikmaður hjá Everton en hlutirnir gengu alls ekki upp hjá Chelsea.

Nú er Southampton sagt vera í bílstjórasætinu um Barkley en félög mega enn semja við leikmenn sem eru án félags.

Barkley er 28 ára gamall og er mögulega á leið á St. Mary’s en ljóst er að launapakki hans er ekki ódýr.

Barkley þénaði 200 þúsund pund á viku hjá Chelsea en hann gekk í raðir liðsins frá Everton fyrir fjórum árum síðan.