Diego Carlos hefur nú tjáð sig eftir meiðsli sem hann hlaut á dögunum en hann verður frá í marga mánuði eftir að hafa slitið hásin.

Carlos gekk í raðir Villa frá Sevilla í sumar en hann meiddist í 2-1 sigri á Everton um helgina og hefur farið í aðgerð sem gekk vel.

Carlos heitir því að mæta sterkari til baka og óttast ekki þær áskoranir sem bíða hans í bataferlinu.

,,Allt hefur heppnast hingað til og nú einbeiti ég að því að ná mér eins fljótt og hægt er. Ekkert mun draga mig niður, ekkert mun eyðileggja mig,“ sagði Carlos.

,,Ég lærði að berjast í lífinu, ég komst hingað með hjálp Guðs og án þess að óttast hindranir. Nú snýst þetta um að sjá um sjálfan þig.“

,,Takk fyrir öll skilaboðin sem ég fékk, ég var mjög ánægður með ástina. Guð blessi ykkur og megi hann vaka yfir ykkar lífi.“