Franska félagið Nice hefur áhuga á Nicolas Pepe, kantmanni Arsenal. Foot Mercato segir frá.
Pepe kom til Arsenal frá Lille fyrir þremur árum síðan. Greiddi Arsenal 72 milljónir punda fyrir og gerði Fílbeinstrendinginn að dýrasta leikmanni í sögu félagsins.
Hann hefur hins vegar engan veginn staðið undir væntingum í Norður-Lundúnum og gæti nú farið.
Fari Pepe til Nice verður það á láni.
Viðræður eru þegar hafnar og gætu skiptin því klárast á næstunni.
Það sem ýtir undir fregnirnar er að umboðsmaður Pepe, Luois Ferrer, sást á heimavelli Nice á dögunum.
Pepe hefur verið ónotaður varamaður í fyrstu tveimur leikjum Arsenal það sem af er þessarar leiktíðar í ensku úrvalsdeildinni, í sigrum gegn Crystal Palace og Leicester.
