Barcelona er búið að ná að skrá fjóra af nýjum leikmönnum sínum til leiks fyrir keppni í spænsku úrvalsdeildinni í kvöld.
Barcelona hafði verið í töluverðu veseni með að skrá leikmennina fyrir fyrsta leik vegna fjárhagsvandræða.
Nú er spænska félagið búið að skrá Raphinha, Robert Lewandowski, Franck Kessie og Andreas Christensen í hóp sinn og eru þeir til taks í kvöld.
Barcelona hefur leik gegn Rayo Vallecano klukkan 19:00 og má búast við að allir þessir leikmenn komi við sögu.
Jules Kounde kom til félagsins frá Sevilla í sumar en hann er ekki skráður enn og mun ekki taka þátt.
