Það fór fram svakalegur leikur í Kórnum í Lengjudeild karla í kvöld er HK spilaði við Þrótt Vogum.
Þróttarar voru lengi vel inni í þessum leik og eftir fyrri hálfleikinn var staðan jöfn, 1-1.
Á 65. mínútu leiksins átti sér stað óheppilegt atvik er Rafal Stefán Daníelsson meiddist í marki Þróttara.
Rafal þurfti að yfirgefa völlinn vegna meiðsla en gestirnr voru því miður ekki með varamarkmann á bekknum.
Haukur Leifur Eiríksson þurfti að fara í mark Þróttara en hann er útileikmaður og það boðar aldrei gott.
HK nýtti sér það til fulls og vann að lokum 4-1 sigur þar sem Hassan Jalloh skoraði tvö mörk á níu mínútum.
Fyrr í kvöld vann Selfoss lið Þórs 2-1 á Selfossi þar sem Gary Martin reyndist hetja heimaliðsins í seinni hálfleik.
HK 4 – 1 Þróttur V.
1-0 Bruno Soares (’28)
1-1 Magnús Andri Ólafsson (’42)
2-1 Hassan Jalloh (’70)
3-1 Ásgeir Marteinsson (’73)
4-1 Hassan Jalloh (’79)
Selfoss 2 – 1 Þór
0-1 Harley Willard (‘1)
1-1 Hrvoje Tokic (’16, víti)
2-1 Gary Martin (’62)
