Manchester United tapaði um helgina gegn Brighton í fyrsta leik sínum á þessari leiktíð í ensku úrvalsdeildinni.
Leikurinn fór fram á Old Trafford og lauk honum 0-2 fyrir Brighton.
Tímabilið gat varla farið mikið verr af stað en þetta fyrir Erik ten Hag, sem tók við Man Utd í sumar eftir að hafa verið hjá Ajax undanfarin ár.
Stuðningsmenn eru vægast sagt ósáttir, enda hafnaði liðið í sjötta sæti deildarinnar á síðustu leiktíð og missti af sæti í Meistaradeild Evrópu.
Ekki bætt svo úr skák þegar mynd birtist af Justin Bieber, einni frægustu poppstjörnu heims, með Brighton-treyju baksviðs í á tónleikum í Noregi.
Söngvarinn Sam Tompkins styður Brighton og rétti hann Bieber treyjuna baksviðs.
Mynd af þessu má sjá hér að neðan.
