Chris Brazell, þjálfari karlaliðs Gróttu, hefur verið dæmdur í þriggja leikja bann fyrir framkomu sína eftir tapleik gegn HK þann 27. júlí. Þetta var ákveðið á fundi aga- og úrskurðarnefndar KSÍ í gær.
Brazell var ansi ósáttur með dómara leiksins, Erlend Eiríksson, og lét öllum illum látum í Kórnum.
Lestu nánar um málið hér.
Í úrskurðinum kemur fram að hegðun Brazell hafi verið „alvarleg og vítaverð og falið í sér ógnandi tilburði gagnvart dómara leiksins.“
Þá hefur Grótta verið sektuð um 100 þúsund krónur vegna athæfisins.