Mikkel Damsgaard færist nær því að ganga í raðir Brentford í ensku úrvalsdeildinni. Hann er leikmaður Sampdoria á Ítalíu.
Talið er að Brentford muni borga Sampdoria um 15 milljónir evra fyrir þjónustu leikmannsins.
Damsgaard er danskur landsliðsmaður sem getur leikið úti á vinstri kanti, sem og á miðjunni. Hann gæti því að vissu leyti leyst samlanda sinn, Christian Eriksen af hólmi hjá Brentford. Miðjumaðurinn fór til Manchester United á dögunum, eftir að hafa verið á mála hjá Brentford seinni hluta síðustu leiktíðar.
Hinn 22 ára gamli Damsgaard á að baki sextán A-landsleiki fyrir Danmörku. Í þeim hefur hann skorað fjögur mörk. Eitt af þeim kom í undanúrslitaleik Evrópumótsins í fyrra gegn Englendingum. Þá kom hann Dönum yfir.
Brentford are now closing on Mikkel Damsgaard deal. Fee expected to be around €15m with add-ons. Talks are progressing with Sampdoria, still in discussion on player side. 🚨🇩🇰 #BrentfordFC
Deal not fully completed yet but now Brentford are optimistic to get it over the line. pic.twitter.com/UESRgGIKh1
— Fabrizio Romano (@FabrizioRomano) August 1, 2022
