Stuðningsmenn Arsenal voru ekki allir hrifnir af varnarmanninum David Luiz sem hefur nú yfirgefið herbúðir félagsins.

Luiz spilaði með Arsenal frá 2019 til 2021 en hann er í dag á mála hjá Flamengo í heimalandi sínu Brasilíu.

Samkvæmt varnarmanninum Dan Ballard þá er Luiz gríðarlega hæfileikaríkur í íþróttinni en hann fékk á sínum tíma að æfa með aðalliði félagsins.

Ballard sá Luiz á æfingu Arsenal og um leið áttaði sig á því að hann ætti langt í land með að verða eins góður og aðrir leikmenn liðsins.

Ballard var aldrei talinn nógu góður fyrir Arsenal en hann leikur fyrir Sunderland í dag og er 22 ára gamall.

,,Ég var undrandi yfir því hversu góðir Mesut Özil og Jack Wilshere voru, það voru eins og þeir væru frá annarri plánetu, þeir litu út fyrir að geta tekið yfir heiminn,“ sagði Ballard.

,,Luiz heillaði mig virkilega mikið vegna hversu góður hann var á boltanum og hvernig hans leikstíll var. Það fékk mig til að átta mig á því hversu langt frá þessum gæðaflokki ég væri og hversu mikið ég þyrfti að leggja á mig.“