Paulo Dybala er nú orðaður við úrvalsdeildarlið Manchester United.
Samningur Argentínumannsins við Juventus rann út um mánaðarmótin og erum honum því frjálst að ganga til liðs við félag að eigin vali.
Dybala hafði verið sterklega orðaður við Inter en líkurnar á að hann fari þangað hafa minnkað eftir komu Romelu Lukaku til félagsins á láni frá Chelsea.
Því hafa félög í ensku úrvalsdeildinni nú áhuga á honum, Arsenal og Tottenham hafa til að mynda verið nefndir til sögunnar sem hugsanlegir áfangastaðir.
Nú er Man Utd þá sagt hafa mikinn áhuga á leikmanninum. Fótboltablaðamaðurinn Gianluca Di Marzio segir frá því að United hafi haft samband við fulltrúa leikmannsins.
Dybala var á mála hjá Juventus í sjö ár. Hann skoraði 115 mörk á árum sínum hjá félaginu.
Á síðustu leiktíð skoraði Dybala fimmtán mörk í öllu keppnum.
