Richarlison hefur skrifað undir samning við Tottenham en hann gengur í raðir félagsins frá Everton.

Arsenal hafði einnig áhuga á leikmanninum en hann kæmist ekki í byrjunarliðið þar að sögn Jack Wilshere, fyrrum leikmanns liðsins.

Wilshere hefði verið til í að fá Richarlison á Emirates en telur að hann hefði spilað varahlutverk þar frekar en mögulega hjá Tottenham.

,,Hann bætir hópinn klárlega og mun gefa þeim eitthvað öðruvísi fram á við. Ég get samt ekki sagt að ég sé miður mín að hann hafi ekki komið til Arsenal,“ sagði Wilshere.

,,Ég er ekki sár sem stuðningsmaður Arsenal en hann gæti verið leikmaður til að horfa á, leikmaður sem gæti staðið sig vel.“

,,Ég hefði viljað fá hann en ég held að hann myndi ekki komast í byrjunarliðið.“