Barcelona hefur staðfest það að Adama Traore verði ekki áfram hjá félaginu á næstu leiktíð.

Traore var lánaður til Barcelona á síðustu tímabil frá Wolves og eftir ágæta byrjun náði hann ekki að sanna sig nægilega vel til að öðlast endanlegan samning.

Traore gekk í raðir Börsunga í janúarglugganum en hann er uppalinn hjá félaginu og spilaði lengi fyrir varalið félagsins.

Framtíð Traore er í óvissu en hann gæti verið á förum frá Wolves og eru einhver félög áhugasöm.

Barcelona staðfesti það einnig að Luuk de Jong væri farinn frá félaginu og er kominn til Hollands.

De Jong er 31 árs gamall sóknarmaður og raðaði inn mörkum fyrir PSV frá 20134 til 2019. Hann var einnig í láni hjá Barcelona frá Sevilla en varð samningslaus í gær.

Barcelona notaði De Jong í 21 leik og skoraði hann sex mörk fyrir félagið í deild.