Það eru ekki allir og líklega enginn eins og Peter Phillimore, betur þekktur sem dómari Pete sem hefur gert garðinn frægan í neðri deildum Englands í mörg ár.

Pete er gríðarlega mikill knattspyrnuaðdáandi en hann hefur gert það gott sem dómari og dæmt yfir þúsund leiki á sínum ferli. Hann styður lið Millwall þar sem Jón Daði Böðvarsson lék um tíma.

Pete hóf það að dæma knattspyrnuleiki í kringum 1980 og hefur aldrei lagt flautuna á hilluna, hann hefur séð um að dæma leiki í neðstu deildum Englands í yfir 40 ár.

,,Fótboltinn hefur alltaf verið það sem heldur pabba gangandi þegar hlutirnir ganga illa,“ segir dóttir Pete í samtali við enska miðla.

,,Á hverjum einasta laugardegi og sunnudagi þá hleypur hann upp og niður völlinn á flautunni, hann elskar þetta.“

Það er engin spurning um það að Peter sé elsti dómari heims en starfið er gríðarlega erfitt og tekur mikið á líkamlega sem og andlega.

Peta er orðinn 81 árs gamall og stefnir ekki að því að leggja flautuna til hliðar og mun halda áfram að sinna starfinu á meðan hann getur.