Gareth Bale myndi labba inn í byrjunarliðið hjá Manchester United og félagið ætti að reyna að semja við hann í sumar.

Þetta segir sparkspekingurinn og fyrrum leikmaðurinn Dean Saunders sem starfar í dag fyrir TalkSport.

Bale er að yfirgefa lið Real Madrid á Spáni og eru mörg félög að horfa til hans en Cardiff er mest nefnt til sögunnar, hans heimalið.

Stærri lið ættu þó að vera að reyna við Bale samkvæmt Saunders en hann verður að vera í standi er Wales spilar á HM í Katar í lok árs.

,,Ef hann væri á bekknum hjá Man City þá myndi hann koma inná og hafa áhrif. Ef hann væri á bekknum hjá Liverpool myndi hann hafa áhrif. Man Utd ætti að reyna að semja við hann, hann er með gott viðhorf og myndi labba inn í byrjunarliðið,“ sagði Saunders.

,,Við erum að tala um náttúrulegt skrímsli, hann er enginn eðlilegur leikmaður. Hann er ekki venjulegur leikmaður í ensku úrvalsdeildinni. Hann hefur unnið Meistaradeildina fimm sinnum og kom Wales á EM upp á eigin spýtur.“